بعد ما تقرأ المقالة دي .. صعب تقع ضحية لأي عملية نصب

 ٩٩٪ من عمليات النصب بتبدأ كده:

يجي حد يعرض عليك فكرة أو عرض يدخلك فلوس أو يكسبك حاجة من غير سبب واضح... ولا مخاطرة حقيقية!

وأحياناً، عشان يحبُك اللعبة، يحطلك سنة مخاطرة بسيطة...

عشان تحس إنك برضو "غامرت" بس مغامرة محسوبة ومقبولة بالنسبة لك.

مثـــــــال:

= بوست لحد بيبيع أجهزة منزلية أو عربية أو شقة بسعر أرخص بكتير من الطبيعي

= حد بيقولك: في ثغرة في شركة كذا... ممكن تاخد رصيد ٥٠٠٠ جنيه، بس لازم تدفع ٥٠٠ جنيه رسوم إدارية

= شركة استثمار زراعي بتقولك: هتاخد ٢٥٪ أرباح شهرية على رأس مالك... وإلحق، الأسهم خلاص قربت تخلص!

= حد عايز يشتري عربيتك بـ٢٠٪ زيادة عن سعر السوق... بس الفلوس هتاخدها بعد شهر

= بوست لصور طفل مصاب إصابات بشعة... مع دعوة للتبرع برقم تحويل سريع

= رسالة فوز في "مسابقة الحلم": "مبروك كسبت ١٠٠ ألف دولار، سجل بيانات بطاقتك البنكية هنا"

كل يوم أفكار جديدة... حقيقي creative!

طيب تسأل نفسك:

إزاي أعرف إن اللي قدامي نصب؟

ببساطة:

في مثل إنجليزي بيقول:

Too Good To Be True

(حلو أوي لدرجة إنه مش معقول يكون حقيقي)

طب وإحنا في مصر ناقصنا أمثال؟

ولا إيه؟!

خد عندك:

**الحدّاية ما بتحدفش كتاكيت**

**كان القرد نفع نفسه**

طرق النصب مالهاش آخر... خليك واعي

.

لو شايف أن المقالة مفيدة أو ممكن تنقذ حد غيرك من النصب، إعمل مشاركة لزيادة الوعي

#الوعي_بداية_التغيير

#العيادة_الإدارية

#أحمد_فهمي