هل كل ما هو أخلاقي قانوني؟ وكل ما هو قانوني أخلاقي؟

 تعرف إيه الفرق بين القانوني والأخلاقي؟

يعني هل كل ما هو أخلاقي يعتبر قانوني؟ وكل ما هو قانوني يعتبر أخلاقي؟

طيب تعرف إن الأخلاق والقانون مش شرط يبقوا أصحاب؟

يعني ممكن تعمل فعل قانوني ولكنه غير أخلاقي؟ والعكس صحيح، تعمل فعل أخلاقي ولكنه غير قانوني؟

.

اتلغبطت؟ دماغك لفت؟

تعالى نضرب أمثلة عشان نفهم أكتر:

.

أول حاجة: ممارسات قانونية ولكنها غير أخلاقية:

** رفع سعر منتج ما معروف السعر بشكل غير مبرر لمجرد نقص المنتج في السوق (زي الاوفر برايس في السيارات و الادوية المستودرة الناقصة) ده ممكن يكون فعل قانوني لو استوفى كافة الاجراءات القانونية و لكنه غير أخلاقي لأنه بيستغل احتياج الناس

** رفع سعر سلعة بشكل وهمي قبل تخفيضها أو قبل مواسم التخفيضات، للإيحاء بوجود فرق كبير بين السعر الاصلي والسعر المخفض، الإجراء ده ممكن يكون قانوني، حيث لا يوجد قانون يحكمه أو يجرمه، ولكنه غير أخلاقي لأنه يخدع الناس

.

تاني حاجة: ممارسات اخلاقية ولكنها غير قانونية:

** السماح او مساعدة طالب جامعي بسيط الحال في تصوير كتب الاساتذة المرتفعة السعر، يعتبر فعل أخلاقي خاصة إذا لم يكن هناك مجال عند الأستاذ لمنح إعفاء أو تخفيضات لغير القادرين ولكنه غير قانوني لأنه ينتهك حقوق الملكية الفكرية للأستاذ

** تسريبك لمستندات رسمية تكشف الفساد المنتشر في مؤسستك - اطلعت على المستندات بحكم وظيفتك - يعد هذا فعل أخلاقي لأنك بهذا الفعل تحارب الفساد، و لكن هذا قد يضعك تحت طائلة القانون

.

في النهاية ما اريد ان اؤكد عليه: لا تخلط بين الأخلاقي والقانوني، فالقانون مستمد من الدستور الذي وضعه نخبة من بلد ما، فهو بالضرورة يعكس ثقافة معظمهم وتوجهات الأقوياء منهم، بينما الأخلاق مستمدة من الدين، فهي تعكس ما يدعونا الله إليه

.

طيب برضو نعمل ايه؟ اعمل الصح هههههه

ايوة برضو اللي هو ايه؟

بص يا سيدي:

قادر تخلي كل ممارساتك قانونية وأخلاقية يبقى كده كفيت ووفيت ربنا راضي عنك وكمان المجتمع

ما قدرتش (وهنا ما قدرتش مقصود بيها الاستحالة أو أن هايكون في ضرر كبير وشبه محقق واقع عليك) فاجتهد ألا تظلم أحداً، احترس أن تقف أمام الله وفي رقبتك مظالم وحقوق لعباد آخرين

.

تابعونا في "العيادة الإدارية" لمزيد من التحليلات التي تضع المشكلات الإدارية تحت المجهر.

لو شايف أن المقالة مفيدة أو ممكن تنفع حد غيرك اعمل شير.

لو بتدور على حد يرشدك في خطواتك أو يساعدك في تطوير شغلك، تقدر توصلي وتحجز مقابلة معايا ،  

من هنا