هل لا يوجد لديك وقت متاح لتطوير نفسك و شركتك؟

من الأمراض الإدارية المنتشرة في كثير من الأعمال و عند كثير من القيادات هو مرض اسمه "مش فاضي للتطوير" يعني مافيش وقت او موارد للتطوير، يعني تقوله اعمل تطوير في نظم العمل عندك يقولك مش فاضيين، طيب روح خدلك كورس او احضر ندوة او اتفرج على فيديو على اليوتيوب يساعدك تطور نفسك و بالتالي مؤسستك، يقولك مش فاضي، طيب انت عارف ان "مش فاضي" دي سبب مش نتيجة؟؟ يعني انت "مش فاضي" عشان "ما طورتش نفسك"، مش العكس، كتير قوي بنبقى ناسيين ان تظبيط الشغل اهم من الشغل، و ليس العكس، احد المتدربين اللي بيحضر معايا أحد الكورسات حالياً طول فترة المحاضرة مشغول بالرد على الرسايل و بيخرج يعمل مكالمات كذا مرة، باقوله ليه كده، قاللي معلش اصل الشغل فيه حاجات ضرورية لازم ارد عليها، قلتله بس انت لو ركزت في المحاضرة هاتفيد الشغل اكتر، انت جاي تحضر معانا عشان تتعلم و لا عشان تريح ضميرك؟ قالي عشان اتعلم، قلتله لو فضلت مشغول بالرسائل طول المحاضرة مش هاتركز و بالتالي مش هاتتعلم، و كده يبقى الشغل استفاد ١٠٠٠ جنيه لما رديت بس خسر ٥٠ الف جنيه كنت ممكن تكسبهم لو طورت نفسك

.

اللي عايز اقوله اوعى تستخسر في نفسك اي وقت او فلوس في تطوير ذاتك، انت أصلا صاحب الوقت و اللي بتجيب الفلوس

.

لو تعاملت مع نفسك على انك آلة حتى فعشان تحافظ على الآلة و تفضل تنتجلك على الأقل يا أخي محتاج تعملها صيانة و تشحيم و قطع غيار جديدة، فازاي شايف انك ممكن تكمل حياتك  و شغلك بدون تطوير

.

#are_you_busy_to_improve?

#العيادة_الإدارية

#أحمد_فهمي